Sant Nirankari Mission-Yug purush baba Avtar Singh ji | Pravachan

                                 Pravachan 

  Yugpurush Baba Avtar Singh Ji Maharaj   

  

             

Is jug ka dharma padho bhai|

Pure guru sab sojhi payi

                                

Sadh sangat ji, Dhan Nirankar ji! Saad sangat ji satyug treta tatha dwapar ke baad ye kalyug ka samay hai. Ham ye bhali prakar jante hai ki har kaam samay ke sath kiya jata hai. Misaal ke taur par ve mauke boyi huyi fasal hame koyi bhi fayada nahi pahucha sakti. Ya yu samajhle ki agar gahu bone ka samay hai aur ham makka bona shuru karde to hame kaun samajhdar kahega? Sansar me ham murkh bhi kahlayenge  aur makki ka beej tatha uske bone me samay bhi gavayenge. yadi garmi ka mausam hai aur ham bahut keemati aur sundar kambal ya sweater pahan kar bajaar ke aur chal de to garmi se ghabrakar bar bar paseena aayega. Dusare  dekhne wale log bhi majak udayenge. Iska ulta sardi ka mausam hai, barf pad rahi hai aur ham halwayi ki dukan par subah hi jakar kahe ki aadha ser dahi ki lassi ko khub achhi tarah se barf daalkar lassi peene ka kaam achhi samajh kar kiya par hame nuksan bhi uthana pada aur logon ke samane majak ke karan bhi ban gaye. Sadh sangat ji bhav ye hai ki jis prakar ham mausam ke mutabik khate, peete tatha pahante hai, thik isi prakar yug ke anusar jo jaisa vidhan hota hai usi prakar hi karna padta hai. Is sabd me ye mahapurush bramagyani, jimko ham kalyug ka jahaj kehte hai, guru Nanak ji kalyug ke dharma ka is prakar naksha kheechte huye kehte hai ki mujhe bhi pure guru drawa hi iswar, akalpurush, nirankar ki sojhi huyi hai. Main sansar me aakar drashyaman maya ko dekhkar, isme uljha huya tha, purn, parpurn satguru ne mujhe sadaa kayam rehne wale prabhu se mila diya hai. Ab sachhe iswar ko jankar mera dhyan jhuthi maya se upar uth gaya hai aur ab ek sachhe prabhu ke sahare main ji raha hu aur aage bhi mere yehi sahayak hai. Ye sab purn satguru ki daya se hua hai jiska updesh sunte hi mujhe usi pal prabhu ka darshan ho gaya.

       

Pure guru ka suni updesu

Parbrahmu nikati kari pekhu

Saari saari simrahu govind

Antar ki utre chind

                                             

Sadh sangat ji jara apne jeevan par drastic daalkar dyaan se dekho kya sanshar me aapko bhi easa purn sadguru mil gaya hai jis ke milne se aap ko nirankar ki saujhi arthat gyaan ho gaya ho aur saas saas isi ke sumiran dwara anand ho gaya ho. Sad sangat ji, aap sabko manav deh mila hai jis mahapurush ke sabd ki byakhya ho rahi hai unhe bhi manav janm me hi apna par utara kar isprakar kaha hai agar aapko bhi waisa hi gyan ho gaya hai arthat purn guru ne prabhu se mila diya hai, aur aap bhi aisi avastha me, jaisa ki sabd me aaya hai aur un puritan rabbi bhakto me, jinki boliyon kea aage ham namaskar karte hai, koi antar nahi. Fir vahi bani apki hui. Antar kebal itna reh gaya hai ki ve bhakt aaj se kuch varsh pahle the aur aaj aap hajir hai. / 

                                                           

 Vaadi virodhi na paiya jai

Manu tanu feeka duje bhai

Gur ke sabdi sachi liv layi

  

Vaad- virod se prabhu ki prapti honi na-mumkin hai kyuki vaad virod karne wale log dwet arthat ahankar me fase hote hai. Jis prakar ek ghee ke bartan me tel nahi dala ja sakta jis prakar ek mayan me do talvaren nahi reh sakati, thik isi prakar vaad virod karne wale hraday (man) me gyan nahi thahar sakta. Aise logo ka tan, man fika hota hai. Man se feeka arthat irshavaadi vichar dharayen uthati hai aur tan se ve burayi wale kaam karta hai guru ke sabd me hi sach ke sath liv judati hai iska aur koi tarika nahi. Geeta me bhi kaha hai ki jo is puneet gyan ko prapt karna chahe kya vidi kare? Dono haath jodkar muh se kahe ki mujhe iswar janane ka gyan daan karo. Purn satguru ke charno me is prakar namr nivedan karne se prabhu ki prapti hoti hai. Prabhu ko prapt karne ki jo vidi hai, sansar usase to prabhu ko prapt nahi karta. Sochta hai ki mala ferne se, jap karne se, path karne se, pooja karne se, havan karne se, tirthki yaatra karne se, yagya tatha karne se shayad prabhu ki prapti ho jayegi ye achche karm hai aur achche karmo ke liye geeta me likha hai ki jo achche karm hai ve sone ki rassi hai  aur jo bure karm hai wo lohe ki sassi hai magar dono bandhan ke karan hai. Guruvani me is prakar likha hai:                                                                         

                               Nanak bhamati mithia karmu sachaa nishanu

Ye jitne bhi karm hai, sharir ke sath hi samaapt ho jate hai. Inse prabhu ki prapti nahi hoti. Aaj karm kaand me ulajh kar sara ka sara sansar ahankar me ulajh raha hai aur bajay prabhu ko najdeek se dekhne ke, is se dur hota jar aha hai. Jab tak purn guru ki sharan nahi leta sabhi karm, bandhan ke karan banate jate hai.

                                Jo jo karam kiyo lalach lagi tih tih aapu badhayio

Keval purn satguru ki sharan me aane se hi prabhu ka gyan ho sakta hai yadi karm kand aadi se gyan ho sakta to guru amardas ji ko72 saal ki aayu tak karmo ke paschat guru angad dev ji ki sharan na leni padti. Geeta me bhi shri Krishn ji kehte hai jink o meri krapa se gyan prapt huya hai unke sone- jagne, khane peene aur pahanane ke sab kaam pavitra hai kyuki un gyaniyon me meri hi aatma hai.                                                                       

 Sad sangat ji agar aapko purn guru dwara ang sang prabhu ka darshan ho gaya hai aur aap har samay issi ke dhyan me reh kar jeevan vyatit kar rahe ho to aap grahasth me rehte huye bhi beragi ho, kyuki sanshar me rehte, sanshar ke sare karya karte huye huye aapka dhyan apne malik akal purush nirankar me lag gaya hai fir aap me aur puritan bhakt jink i ham vaniyan padte tatha sunte hai dono me koi antar nahi dono ki avastha ek saman hai sabne is avastha kop rapt karna hai.

                                      Sad sangat ji    Dhan Nirankar ji

 Ummid karta hu aapko ye blog pasand aaya hoga aur mere paas aur bhi kayi mahapurshon guruo ke pravachan hai aur main aapke liye aur sabhi mahapurusho ke liye lata rahunga aur  agar ye blog aapko pasand aaya hai to please isko share kare taki aur logo ke paas bhi ye pravachan pahuch sake aur apna comment kar ke bataye ki aapko ye kaisa laga 

                                                     Thankyou

The Nirankari Mission | Dhan Nirankar Ji ka kya arth hota hai | History of Niranakri Missoion | Baba Buta Singh Ji

How are you all ? My name is Yash and I have created this blog for influencing awareness about Nirankari Mission. You will find here many Things about many religious contents and many things about Niranaki Mission in Hindi.

List of contents:

•  History of Nirankari Mission

  What is the means of "Dhan Nirankar Ji?"

  Niranakri Mission Guru Baba Buta Singh Ji

1. History of Niranakri Mission

Sant Niriankari Mission koi prachalit dharm nahi hai balki ek aadhyatmik vichardhara hai. Is Mission ki suruwat 1929 me Peshawar me Baba Buta Singh ke dwara hui thi jo ab Pakistaan me hai. Batware ke sath hi 1948 me India me iski neev rakhi gayi. Iska mukhyalay Delhi me hai. Panjab ke Amratsar me Niranakri samagam me Sunday ko dhamakha hua isme 3 logon ki maut ho gayi

 

Is Mission ke India 3000 se jyada kendra sahit 27 deshon me 200 ke karib kendra hai tatha 1 carod se jyada anuyayi hai aur is mission ka naam guinission book of world records me darj hai waise to Niranakri mission roj kai samagam hote hai parntu India kai jagah varshik samagam hote hai jo 3 din ke hote hai.

What is the means of "Dhan Nirankar Ji?" 

Nirankari mission ke sabhi mahapurush jab bhi ek dusre se milte to ve milte samay Dhan Niranakar Ji bolte hai as greeting par iska arth hota hai thanks to God, waise to hame ye nirankar har ek saas par yaad hona chahiye, kyuki hame hamesha ye nirankar yaad nahi hota to jab koi mahapurush unse milta hai to usase unhe iswar ki yaad aati hai to iswar kodo tarah se thanks karne ke liye ki unhone  ek mahapurush ke darshan karaye aur unke aane se unhe niranakr ki yaad bhi aayi to ab ike saabdik arth ko samajhte hai to "DHAN NIRANKAR JI" ka pehla sabd hai Dhan arthat Dhanyabad arthat Niranakar tera dhanyabad.

Nirankari Mission's Guru

Nirankari mission ke kayi guru rahe hai aaiye sab ke bare me jante hai   

 

                                                      Yugpurush Baba Buta Singh Ji    

             

Nirankari mission ke pehle guru hai Baba Buta Singh Ji 19th century ke undivided India ke Kemalpur jile ke Hadwaal gawon me Bishan Singh Ji aur Mata Mayavanti Ji namak dampatti niwas kar rahe the. Unki sampattik sthiti bilkul samanay thi lekin neki ke raste par chalkar ve apna jivan yapan kar rahe the. 1873 me is Mata Mayavanti ki god me ek dhanya balak ne janm liya santan prapti ki ki khushi me pati-patni fule nahi sama rahe the unhone  bade pyar se apne bête ka naam rakha “Buta”. 


Punjabi language ke Buta sabd ka Hindi me arth hota hai Pautha us samay kisko pata tha ki yahi  Buta aage chalke puri Manavta ko influence karne wale brahmagyan ka buta banega. Iswar ki leela anuthi hai. Kis ghat ke madhyam se konsa kaam karwana hai yahi jaanta hai. Iswarbhakti me Baba Buta Singh ji ki ruchi bachpan se hi dekhi gayi. Jab unke sangi sathi khel kud aur mauj masti avam shararaton me lage rahate the us samay yeh balak bujurgon ki sangat me baithkar prabhu charcha me bhag leta tha hari charcha karne me Use bada anand aata tha baba ji ke 3 bhai  aur ek bahan thi lekin sabhi bhai bahano me se inka swabhav bilkul alag tha. Baba Buta Singh Ji ko Gurudware me geet gana boht pasand tha aur gurudwaron me kirtan karte karte Baba Buta Singh Ji ne yuvavshta ko chhul liya. Baba ji ne fauj me bhi kaam kiya hai lekin wo kaam baba ji ko pasand nhi aaya kyu ki ve usase bhakti ke liye sayam nahi mil pata tha isliye unhone ye naukari chhod di. Baba ji ka vivah 18 saal ki umar me Lajwanti ji ke sath hua lekin plague ki bimari ke karan 1904 me hi parlok se dhar gayi Uske baad Bba Buta Singh ji ka vivah Hadwal ki hi “Vanti” ji se hua.  Ek din Baba ji ke dil me prabhu Milan ki tivr jigyasa jagi



. ‘Tu’ sabd ka Gurubani me iswar ke liye prayog kiya gaya hai isliye unke man yah sawal baar baar uthata kit u sabd ko to ham hamesh kisi samsnewale se baat karne ke liye karte hai iska arth hai ki iswar mere samane hai agar wo mere samane hai to wo mujhe dikhai kyu nahi deta  yah alokik rahasay janane ke liye wo itne utsuk ho uthate the  ki wo rone lagte the. Ek baar wo gurudware me gayan kar rahe the wahan sangat me Baba Kahan Singh Ji bhi baithe huye the unhone bhi unka   gayan suna. Kirtan ke baad Baba kahan Singh ji  Baba buta sing hji ke paas gaye aur unse “Bhai sahib, kya sachmuch hi mohan aapke  ghar me aate hai ya yuhi logon ki wah wah le rahe ho?” itna keh kar wahan se chale diye. 



Lekin is vakya se Baba Buta Singh Ji ke dil par gahari chot lagi. Sochne lage to unhe ahsas hua ki is mahatma ke paas jarur hi ‘Mohan’ ka  pata hai aur mujhe is mahatma ko milana hi hoga aisa sochkar wo gurudware se bahar nikalne ke  baad seedhe hi Baba Kahan Singh Ji  ke niwas sthan par pahunche. Wahan jane ke baad kafi samay tak Niranakr prabhu ke bare me gyan  charcha hui. Baba Buta Singh Ji guruwani ke rahshiya to the hi, ishi karan Baba kahan singh ji ke sath guruwani  ke aadhar par hui gyan charcha se Baba Buta Singh Ji bahut prabhabit huye.


 Kahan Singh Ji ke kathan me chhalak rahi satya nistha , drudta aur vishwas se baba Buta Ji andar se prabhu Milan ke  liye aur adhik aatur ho uthe. Man me shanti ka ahsaas hua aur unka hraday anand se gadgad ho utha. 1929 se lekar 1943 tak 14 saalo tak ke antaral me Baba Buta Singh Ji  ne pure visv ko aman aur chain ki sheetalta pradan karne wale sant Nirankari mission rupi ped ka ropan karke use itna majboot banaya ki sansar ki koi takat use hila na sake.
 Aapka vyaktitva atyant tejasvi tha. 1873 se 1943 tak 70 saal ki aayu aapko prapt hui. Itni aayu ke babjud bhi aapke baal antim samay tak kale the.bhagvadbhakti me leen hokar apne virodhiyon ya nindakon se darte huye badi nirbhayta se jeevan aapne jiya.

  Jaise koi pita jyada samay ke liye kisi durdesh ke liye prasthan kar raha ho to vo jate samay apne ghar -parivar ki puri puri vyavstha karke jata hai, waise hi Baba Buta Singh Ji ne Sant Niranakri Mission ki jimmedari vidhivat Baba Avtar Singh Ji ke kandhon  par saup kar parlok gaman kiya. Is parkar Baba Buta Singh Ji ke prasthan ke sath hi Nirankari mission rupi manav mukti ke abhiyan ka pahla charan pura kiya.



 Agar aapko ye information pasand aayi to is Blog ko share kare aur agar aap chahte hai ki main aapke liye aesi intresting information lata rahu to comment karke bataye ki aapko ye information kaisi lagi Sant Nirankari Mission bahut mahaan hai aur intresting bhi agar aap chahege to main Nrankari mission ke sab guru ki biography jeevan kartha leke aaunga
 
                              BigThank you for reading this post 

                                 Pyar se kehna dhan Nirankar Ji